(( عسى مازعلتك ))

عسى ما زعلتك البارح وزودت الجراح iiجراح
عسى ما مرت الدمعة على أهدابك من iiأسبابي

جرحتك من كثر شوقي وخليت الكلام iiرمـاح
ولادري شلون ياعمري طعنتك حيل iiبعتابـي

بدون شعور صدقني ترى كثـر الغـلا ذبـاح
تعال وشوف بغيابك غـلاك شلـون iiسوابـي

حرام تغيب من عمري وتعطيني الفراق وشاح
حرام الدمع في عيني مناديله هـي iiأهدابـي

غيابك يشغل عيون الزوايا وأمتلـي iiأشبـاح
وأنا أنثر صوتك بقلب المكان وأشعل iiأبوابـي

تلفت للأمل دام الرجا فـي عمـري iiالملـواح
أناديلك ولو شرهة وصولك تقطـع iiأعصابـي

أبيك الجاي من عمري أنا مابيك شـي iiوراح
مدامك أجمـل وأخـر مدامـك أول iiأحبابـي

أبي أرتاح ياعمري أنا أدري هم تبي iiترتـاح
تعال وقبل ما أفرح ترى تفـرح بـك iiثيابـي

أحبك يا بعد عمر الحزن والجـرح والأفـراح
أحبك كثر ما نامت عيونـك داخـل iiأهدابـي